Ang kahulugan ng Aninaw ay ang pagtingin ng mabuti sa isang bagay, ito din ay nangangahulugang transparency sa ingles. Ito ang pangalan ng website na nilikha ng mga mag-aaral ng Multimedia Arts mula sa De La- Salle College of Saint Benilde. Ito ay nagbibigay kaalaman upang maging mapanuri ang publiko tungkol sa mapanlinlang na impormasyon online.

Bagama’t totoo na ang internet ay nagbibigay ng maraming kaalaman, ito din ang isa sa pinagmumulan ng maraming maling impormasyon.

Marami sa atin ang hirap matukoy ang totoo at gawa-gawang impormasyon sa internet. Ngunit, maging ito ay isang unsafe website, fabricated news article, o phishing email, lahat ito ay mayroong mga palatandaan na maaari mong makita upang matukoy ang totoong impormasyon. Aming ipapaliwanag at ipapakita gamit ang ilang artikulo at video upang matukoy ang kredibilidad nito.